القارئ

اختر مؤلفًا أو مؤلَّفًا أو سفرًا من الكتاب المقدس، وادرس المصدر اليوناني الأصلي مع الترجمة والملاحظات والإشارات المرجعية.

اعثر مباشرة على مؤلف أو مؤلَّف أو سفر من الكتاب المقدس.

Ἔργον

Γρηγόριος ὁ Ναζιανζηνός – Περὶ διαθηκῶν καὶ τῆς τοῦ Χριστοῦ παρουσίας

Γρηγόριος ὁ Ναζιανζηνός

Η πτώση στην ειδωλολατρία και η έξοδος από την Αίγυπτο

Περιγραφή της κυριαρχίας της ειδωλολατρίας, των αρχικών θείων παιδαγωγικών επεμβάσεων και της απελευθέρωσης του λαού διά του Μωυσή.

Λεπτομέρειες ἔργου
Συγγραφεύς
Γρηγόριος ὁ Ναζιανζηνός

—

Κεφάλαιο 1 από 3

οἱ δὲ θεὸν προσέειπον, ὅσ᾽ ἔπλετο, ἀφραδίῃσιν· ὣς τότε καὶ λαῷ κενεόφρονι πιστὸς Ἀαρών, μόσχον ὅτ᾽ ἐξανέηκε μέσου πυρὸς ὕβριν ἐλέγχων, ἄλλος δ᾽ ἄλλον ἔτευξε θεὸν νέον ἡμερίοισιν, πλάσμα νόου—τέχνη δ᾽ ἄρ᾽ ἐφωμάρτησεν ἀλιτρὴ καὶ πλοῦτος κακόχαρτος, ὁ δὲ χρόνος αἶσχος ἔπηξεν πλάσμασι καὶ θυέεσσι καὶ εἰλαπίνῃσιν ἀέξων— παῦροι μὲν διάλυξαν, ὅσοις νόος ἦεν ἀμύντωρ, οἳ θεὸν οὐδὲν ἔειπον, ὃ μὴ νόος ἔδρακεν οἶος, οἱ πλέονες δὲ † ἔπεσσιν δῆθεν † ἐπισπόμενοι φαέεσσιν. ὄφρα μὲν ἦν κακίης ὀλίγος δρόμος, ὄφρα δ᾽ ἔμοιγε καὶ νόμος ἡγεμόνευεν, ὃς ἄγραφος ἔνδον ἔκειτο, ἐσθλοῦ τ᾽ ἠδὲ κακοῖο διάκρισις αὐτοδίδακτος. αὐτὰρ ἐπεὶ κόλποι τε καὶ εὐρέα πείρατα γαίης πλῆσθεν ἀτασθαλίης, ὕβριν δ᾽ ἐξέζεσεν ἰλὺς καὶ πολλοῖσι πάρος παιδεύμασι πλάσμα δαμασθέν, γλώσσαις τεμνομένῃσι καὶ ὕδασι καὶ πυρὸς ὄμβροις, οὐκ ἔθελεν πρώτης κακίης ἀπὸ δεσμὰ τινάξαι, ἀλλ᾽ αἰεὶ κρατεροῖσιν ἐν ἅμμασιν εἴχετο σαρκός, μαχλοσύναις τε μόθοις τε καὶ εἰδώλοισι μεμηλός, δὴ τότε—μητιέταο λόγου τόδε θαῦμα μέγιστον— Μωσῆος θεράποντος ἀγακλέος ἐν παλάμῃσι λαὸν ἀπ᾽ Αἰγύπτοιο θεὸς 〈⏑ ⏑〉 ῆγε πορείης θαύμασι σὺν μεγάλοισι, τινάσσετο δ᾽ ἔθνεα πάντα· ἐρχομένου τοῦ πρόσθε πυρὸς στύλος ἡγεμόνευεν, καὶ νεφέλης ἕλκοντος ἀσημάντου δι᾽ ἐρήμης.