Ἔργον
Νικόλαος Καβάσιλας – Εἰς τὴν ἀνάληψιν τοῦ κυρίου ἡμῶν Ἰησοῦ Χριστοῦ
Ο Χριστός ως αιώνιος αρχιερέας
Ανάλυση του ρόλου του Χριστού ως νικητή του θανάτου και αιώνιου ιερέα, ο οποίος διατηρεί τα στίγματα του πάθους στο άφθαρτο σώμα του.
পিতৃগণীয় ও বাইবেলীয় গ্রন্থ পাঠ, অনুসন্ধান ও অন্বেষণের একটি প্ল্যাটফর্ম
একজন লেখক, রচনা বা পবিত্র শাস্ত্রের একটি পুস্তক বেছে নিন এবং অনুবাদ, নোট ও বুকমার্কসহ মূল গ্রিক উৎস অধ্যয়ন করুন।
পাঠক ব্যবহার
দ্রুত খোঁজ সরাসরি একজন লেখক, রচনা বা পবিত্র শাস্ত্রের পুস্তক অনুসন্ধান করুন।
বিস্তারিত নির্বাচন একটি উৎস বেছে নিন, তারপর একজন লেখক, রচনা, অধ্যায় বা বাইবেলীয় অনুচ্ছেদ।
অধ্যয়নের সরঞ্জাম পাঠের সময় আপনি অনুবাদ, বুকমার্ক, নোট এবং আপনার ব্যক্তিগত চেহারার সেটিংস ব্যবহার করতে পারেন।
Ἔργον
Ο Χριστός ως αιώνιος αρχιερέας
Ανάλυση του ρόλου του Χριστού ως νικητή του θανάτου και αιώνιου ιερέα, ο οποίος διατηρεί τα στίγματα του πάθους στο άφθαρτο σώμα του.
Διὰ τὸν κατὰ τοῦ θανάτου πόλεμον ἀθλητής, διὰ τὸ τρόπαιον νικητής, ὑπὲρ τῆς σφαγῆς ἱερεῖον, ὅτι τὴν σφαγὴν ἐδέξατο βουλόμενος, ἱερεύς, οὔτε τῶν Θεῷ προσηκόντων ἀπολειφθεὶς οὐδενός, οὔτε τῶν ἄνθρωπον ποιούντων ῥίψας οὐδέν, ἀλλ’ ἑκατέραν φύσιν ἐν ἅπασι σῴζων καὶ μηδετέραν ἐπωνυμίαν οὐδενὶ λόγῳ ψευσάμενος· μόνων δὲ τῶν ἀνθρωπίνων κακῶν, ὥσπερ τῆς ἁμαρτίας ἐξ ἀρχῆς, οὕτω νῦν φθορᾶς ἁπάσης ἀπηλλαγμένος. Ὧν πρὸς τὴν φύσιν οὐδέτερον, τὸ μὲν γὰρ ἡμεῖς εἰσηνέγκαμεν, ἐκεῖνο δὲ ἠκολούθησεν, εἴτε δίκῃ πεπλημμεληκόσιν, εἴτε φάρμακον ἀρρωστήσασιν· ὧν τὸ μὲν ἐξ ἀρχῆς ἠγνόησεν ὁ Σωτήρ, τὴν ἁμαρτίαν, τὸ δὲ ἐδέξατο, τὴν φθοράν, τὰ τῶν ἀνθρώπων οἰκονομῶν, ἵν’ οἷός τε γένοιτο περὶ αὐτῶν τυθῆναι καὶ τῆς θυσίας ἀντιλάβοι τῷ γένει τὴν ἀφθαρσίαν καὶ τοῦτο τῆς φθορᾶς κερδάνοι τὸ τὴν φθορὰν δυνάμενον ἐξελεῖν.
Ταῦτ’ ἄρα καὶ τυθεὶς καὶ τοῦ φθαρτοῦ σώματος ἀπολελαυκὼς ἃ προσῆκεν, ἀπέδυ μὲν εὐθὺς τὴν φθοράν, ἃ δὲ ἱερεῖον αὐτὸν ἐποίησεν οὐκ ἀπέλιπε, καὶ ταῖς οὐλαῖς κηρύττει τὴν σφαγὴν καὶ ὁ τὴν θυσίαν ἐργασάμενος σίδηρος τοῖς τὸ σῶμα ἐκεῖνο θεωμένοις οὐκ ἀπιστεῖται.
Καὶ οὕτως ἐπὶ μιᾶς τυθεὶς ἡμέρας, διηνεκές ἐστιν ἱερεῖον. Καὶ καθάπερ «ἐφάπαξ ἑαυτὸν ἀνενέγκας», ᾗ φησι Παῦλος, ἐξ ἐκείνου τὸν ἱερέα σώζει μέχρι παντός, «σὺ γάρ, φησίν, ἱερεὺς εἰς τὸν αἰῶνα», οὕτως ἅπαξ προσενεχθείς, ἱερεῖόν ἐστιν αἰώνιον· ἐπεὶ καὶ ἱερεὺς αἰώνιος οὐκ ἂν ἦν, εἰ μὴ ἱερεῖον ἦν, ἐπιλελοιπότος ὅπερ ἂν ἐποίει τὴν ἱερωσύνην αὐτῷ. Τοιοῦτον ἡ γῆ τῇ κτίσει πάσῃ τὸν κοινὸν δεσπότην ἀπέδωκε. Καὶ ἄνθρωποι μὲν παραπέμπουσι τὸν πρέσβυν, ἄγγελοι δὲ προσδέχονται καθαρώτερον αὐτοῖς ἀνίσχοντα τὸν Θεόν· ὁ πατὴρ τὸν ὁμόθρονον, στέφανον αὐτῷ κομίζοντα δόξης ἀπὸ τῶν τοῦ παιδὸς τροπαίων.
রচনা
পাঠ
সম্পর্কিত অনুচ্ছেদটি একটি নতুন উইন্ডোতে খোলে।