Ἔργον
Ἡσύχιος ὁ Πρεσβύτερος – Ἐπιτομὴ τῶν δώδεκα προφητῶν
Προφήτης Σοφονίας
Σύνοψη των προφητειών του Σοφονία και βιογραφικές πληροφορίες σχετικά με την καταγωγή και την ταφή του.
Una plataforma para leer, buscar y explorar textos patrísticos y bíblicos
Elija un autor, una obra o un libro de la Escritura y estudie la fuente original en griego con traducción, notas y marcadores.
Uso del Lector
Búsqueda rápida Busque directamente un autor, una obra o un libro de la Escritura.
Selección detallada Elija una fuente y, a continuación, un autor, una obra, un capítulo o un pasaje bíblico.
Herramientas de estudio Mientras lee, puede usar traducciones, marcadores, notas y su configuración personal de apariencia.
Ἔργον
Προφήτης Σοφονίας
Σύνοψη των προφητειών του Σοφονία και βιογραφικές πληροφορίες σχετικά με την καταγωγή και την ταφή του.
ΚΕΦΑΛΑΙΑ ΣΟΦΟΝΙΟΥ ΤΟΥ ΠΡΟΦΗΤΟΥ. αʹ. Ἀπειλὴ τῆς τῶν ἀμαρτωλῶν ἀπωλείας, καὶ τῶν εἰδώλων καὶ τῶν λειτουργησάντων τούτοις καὶ ἀποστάντων Θεοῦ ἐξολοθρεύσεως· καὶ πρόῤῥησις τῆς τοῦ σταυροῦ θυσίας καὶ τιμωρίας, ἣν ὑπέμειναν οἱ τοῦ λαοῦ τῶν Ἰουδαίων ἡγούμενοι.
βʹ. Προσφώνησις θρήνου τῆς Ἱερουσαλήμ· καὶ ἀπειλὴ κατὰ τῶν λεγόντων ἀπρονόητα τῷ Θεῷ τυγχάνειν τὰ ἡμέτερα· καὶ πρόῤῥησις τῆς ἡμέρας τῆς κρίσεως, καὶ κακῶν ἄπερ ἐν αὐτῇ τοῖς ἀσεβέσι συμβήσεται. γʹ. Παραίνεσις συναφθῆναι Θεῷ, καὶ ταῖς ἀγαθαῖς αὐτὸν ἐπιζητεῖν πράξεσι· καὶ προφητεία ὧν ἔμελλε τὰ ἔθνη τὰ ἀλλόφυλα, φθειρομένης ἐν αὐτοῖς τῆς ἀσεβείας, πείσεσθαι· καὶ ὀλοθρεύσεως εἰδώλων.
δʹ. Ἀπειλὴ ῥομφαίας εὐαγγελικῆς τοῖς δαίμοσι καὶ τῷ διαβόλῳ καὶ τῇ Ἱερουσαλήμ· καὶ πρόῤῥησις τῶν συμβησομένων αὐτῇ κακῶν, ἕνεκα τῆς ἀλαζονείας τῆς κατὰ Θεοῦ μάλιστα. εʹ. Σχετλιασμὸς τῆς Ἱερουσαλήμ, ἐφ’ οἷς τῇ σοφίᾳ τοῦ Θεοῦ οὐχ ὑπήκουσε· καὶ κατηγορία τῶν ταύτης ἡγουμένων, καὶ προφητεία παρουσίας Χριστοῦ, καὶ ὧν μετὰ δικαιοσύνης ἔμελλε κακῶν τοὺς Ἰουδαίους ἐργάζεσθαι.
ϛʹ. Εὐαγγελισμὸς τῇ Ἐκκλησίᾳ ἀναστάσεως Χριστοῦ, καὶ χάριτος γλωσσῶν, καὶ συναγωγῆς ἐθνῶν, ἀφανισμοῦ πλάνης, καὶ ἐκλογῆς πιστῶν ἐξ ἐθνῶν πρότερον, ἐξ Ἰουδαίων δεύτερον. ζʹ. Προσφώνησις χαρᾶς τῆς ἐσομένης ἕνεκα τῶν μυστηρίων, ἄπερ ἐν αὐτῇ παρὰ Χριστοῦ τετέλεσται· καὶ τῆς δόξης, ἣν ἡ Ἐκκλησία κατὰ πᾶσαν τὴν οἰκουμένην, ἐπιστρεφούσης τῆς αἰχμαλωσίας τῶν ἀμαρτωλῶν, ἔλαχε.
Σοφονίας ἑρμηνεύεται σκοπιὰ Κυρίου. Οὗτος ἦν ἐκ φυλῆς Συμεών, ἀγροῦ Σαβαρὼθ καὶ προεφήτευσε περὶ τῆς πόλεως Ἰερουσαλὴμ καὶ περὶ τέλους Ἰσραήλ, καὶ ἀντεισαγωγῆς καὶ σωτηρίας ἐθνῶν, καὶ αἰσχύνης ἀσεβῶν, καὶ δόξης δικαίων, καὶ κριτοῦ πάσης πνοῆς· καὶ θανὼν ἐτάφη ἐν τῷ ἀγρῷ αὐτοῦ.
Obra
Texto
Abre el pasaje relacionado en una ventana nueva.