Ἔργον
Μάξιμος ὁ Ὁμολογητής – Ζητήματα πρὸς Θεόπεμπτον
Ασκητική προσέγγιση της εντολής για το ράπισμα
Ερμηνεία της ευαγγελικής εντολής ως μέσου αντιμετώπισης της κενοδοξίας και καλλιέργειας της ταπείνωσης.
Una plataforma para leer, buscar y explorar textos patrísticos y bíblicos
Elija un autor, una obra o un libro de la Escritura y estudie la fuente original en griego con traducción, notas y marcadores.
Uso del Lector
Búsqueda rápida Busque directamente un autor, una obra o un libro de la Escritura.
Selección detallada Elija una fuente y, a continuación, un autor, una obra, un capítulo o un pasaje bíblico.
Herramientas de estudio Mientras lee, puede usar traducciones, marcadores, notas y su configuración personal de apariencia.
Ἔργον
Ασκητική προσέγγιση της εντολής για το ράπισμα
Ερμηνεία της ευαγγελικής εντολής ως μέσου αντιμετώπισης της κενοδοξίας και καλλιέργειας της ταπείνωσης.
Τὴν δὲ δεξιὰν σιαγόνα, τὴν δεξιὰν πρᾶξιν φημί, καὶ ὅσην ὁ ἔνθεος ἡμῖν διὰ τῶν ἐντολῶν συνιστάμενος βίος χαρακτηρίζει, ῥαπιζομένην ὑπὸ τοῦ πονηροῦ τῇ προλήψει τῆς ἐνεργουμένης καλοκαγαθίας καὶ τῇ πληγῇ τῆς ἐντεῦθεν οἰήσεως, φλεγμαίνουσάν πως διὰ κενοδοξίας καὶ ἐπαιρομένην κατὰ τῶν μηδεμίαν ἢ μὴ τὴν ἴσην τυχὸν κεκτημένων· δι’ ἣν ὥσπερ ἄλλην καὶ οἷον ἀριστερὰν στρέφειν προσήκει τὸν ἤδη πρότερον ἡμᾶς κατὰ τὴν ἀπάτην τοῦ αἰῶνος τούτου καταμολύναντα βίον, τούτῳ τε πλήττεσθαι συνεχῶς διὰ τῆς μνήμης, καὶ ὡς ἁμαρτωλοὺς μᾶλλον συστέλλεσθαι καὶ μετριάζειν, ἢ ὡς ἁγίους μετεωρίζεσθαι, καὶ δι’ ἔπαρσιν καταπίπτειν, οὐκ ἔχοντας πῆξιν ἱερὰν τὴν ταπείνωσιν. Τιμάσθω δὲ μετὰ τῶν θεωρίᾳ λαμβανομένων, μᾶλλον δὲ καὶ πρὸ τούτων εἰς ἑτοιμασίαν ἱερὰν καὶ προκάθαρσιν, καὶ σωματικῶς ταῦτα τελούμενα διὰ τὸν ἐντειλάμενον κύριον, πραϋπαθείας ἐντεῦθεν ἕξιν τοῖς κατορθοῦσι δωρούμενον, καὶ τῆς τοῦ πλήττοντος περιγραφὴν ἀπληστίας, τῷ ἑτοίμῳ τῆς παραδοχῆς τὸ πρόθυμον τῆς πληγῆς ἀναστέλλοντα, αἰδουμένου τυχὸν εἰ μήτι ἄλλο, τὸ ὑπερβάλλον τῆς ὑποπτώσεως, καὶ τὸ μηδαμῶς ἀντιτείνειν τὸν δυνάμενον τοῦτο ποιεῖν, εἰργόμενον δὲ διὰ τὴν πρόσταξιν.
Obra
Texto
Abre el pasaje relacionado en una ventana nueva.