Αναγνωστήριο

Επιλέξτε συγγραφέα, έργο ή βιβλίο της Αγίας Γραφής και μελετήστε το πρωτότυπο κείμενο με εργαλεία μετάφρασης, σημειώσεων και σελιδοδεικτών.

Βρείτε απευθείας συγγραφέα, έργο ή βιβλίο Αγίας Γραφής.

Ἔργον

Μᾶρκος ὁ Εὐγενικός – Ἀπόκρισις πρὸς τὰς τελευταίας τῶν Λατίνων ἐρωτήσεις περὶ τοῦ καθαρτηρίου πυρός

Μᾶρκος ὁ Εὐγενικός

Η φύση των τιμωριών και ο χρόνος της λυτρώσεως (Ερωτήματα 8-10)

Εξέταση της στέρησης του Θεού ως της βαρύτερης τιμωρίας, της αναλογικής εφαρμογής των ποινών και της αδηλίας σχετικά με τον χρόνο της τελικής απαλλαγής των ψυχών.

Λεπτομέρειες ἔργου
Συγγραφεύς
Μᾶρκος ὁ Εὐγενικός

—

Κεφάλαιο 3 από 4

Προηγούμενο κεφάλαιο Επόμενο κεφάλαιο

8. Ἐπὶ τούτοις ὄγδοον ἠρωτήσατε, εἰ ἡ τῆς θείας θεωρίας στέρησις μείζων εἴη τιμωρία τοῖς κατακρίτοις τοῦ αἰωνίου πυρός, καὶ εἰ ταύτῃ τῇ τιμωρίᾳ ἤδη κολάζοιντο οἱ κατάκριτοι. —Καὶ πρὸς τοῦτ’ ἀπεκρινάμεθα, μείζονα μὲν ἁπασῶν εἶναι ταύτην καὶ βαρυτέραν, ἅτε καὶ τῶν λοιπῶν ὥσπερ αἰτίαν οὖσαν καὶ ὑποβάθραν· ἔσεσθαι δὲ καὶ ταύτην ἔτι πολλῷ βαρυτέραν καὶ μείζονα μετὰ τὴν πικρὰν ἐκείνην καὶ τελευταίαν ἀπόφασιν τὴν Πορεύεσθε λέγουσαν ἀπ’ ἐμοῦ οἱ κατηραμένοι εἰς τὸ πῦρ τὸ αἰώνιον· τότε γὰρ καὶ αὐτοὶ τὸν Θεὸν ἰδόντες τὸ τελευταῖον, ὡς ἐγχωροῦν ἐκείνοις ἰδεῖν, οὐκέτ’ αὐτὸν οὐδ’ ἐλπίσουσιν ὄψεσθαι τοῦ λοιποῦ, καὶ ὡς τοιοῦτον δεσπότην καὶ τηλικοῦτον παρωργικότες πικρότατα πάντων ἀνιαθήσονται.

9. Ἔτι πρὸς τούτοις ἔνατον περὶ τῶν τιμωριῶν, ἃς ἔφαμεν ὑπομένειν τοὺς μέσους, ἐζητήσατε μαθεῖν, εἰ ἀμοιβαδὸν ἁπάσας ὑπομένουσιν, ἤγουν τὴν ἄγνοιαν, τὴν λύπην, τὴν τοῦ συνειδότος αἰσχύνην καὶ τὰ λοιπά. —Λέγομεν δὲ καὶ πρὸς τοῦτο, καθὼς καὶ γεγράφατε, ὅτι ποικίλων οὐσῶν καὶ ἀνίσων τῶν ἀνθρωπίνων ἁμαρτιῶν, ἐνίοις μὲν ἁρμόζουσιν ἅπασαι αἱ τοιαῦται τιμωρίαι, τινὲς δὲ ἑτέροις, καὶ τισὶ μὲν πλείους, τισὶ δ’ ἐλάττους.

10. Δέκατον ἐρωτώντων ὑμῶν, ὅτι νοοῦμεν διὰ τῆς ἀδηλίας τοῦ μέλλοντος, ἀπεκρινάμεθα, κατὰ τὸν τοῦ χρόνου λόγον εἶναι τὴν ἀδηλίαν, ὁπότε τῶν τιμωριῶν ἐκείνων ῥυσθήσονται καὶ τῷ τῶν σῳζομένων χορῷ συναφθήσονται.