Ἔργον
Δωρόθεος Γάζης – Γνῶμαι
Εμπιστοσύνη στη θεία πρόνοια και αντιμετώπιση των παθών
Διδασκαλία για την απόλυτη αφοσίωση στον Θεό, τον ορθό πνευματικό έλεγχο των αδελφών και τη ριζική θεραπεία της υπερηφάνειας και της οργής.
Une plateforme pour lire, rechercher et explorer les textes patristiques et bibliques
Choisissez un auteur, une œuvre ou un livre de l’Écriture et étudiez la source grecque originale avec traduction, notes et signets.
Utiliser le Lecteur
Recherche rapide Recherchez directement un auteur, une œuvre ou un livre de l’Écriture.
Sélection détaillée Choisissez une source, puis un auteur, une œuvre, un chapitre ou un passage biblique.
Outils d’étude Pendant la lecture, vous pouvez utiliser les traductions, les signets, les notes et vos paramètres d’apparence personnels.
Ἔργον
Εμπιστοσύνη στη θεία πρόνοια και αντιμετώπιση των παθών
Διδασκαλία για την απόλυτη αφοσίωση στον Θεό, τον ορθό πνευματικό έλεγχο των αδελφών και τη ριζική θεραπεία της υπερηφάνειας και της οργής.
11. Πάλιν εἶπε· Ἐν παντὶ πράγματι συμβαίνοντί μοι οὐδέποτε ἠθέλησα ἀνθρωπίνῃ φρονήσει περιδραμεῖν ἐμαυτῷ, ἀλλ’ ἀεὶ ποιῶ μικρὸν τὴν δύναμίν μου εἰς εἴτι δήποτε καὶ ἀφῶ τὸ πᾶν τῷ Θεῷ. 12. Πάλιν εἶπεν· Ὁ μὴ ἔχων ἴδιον θέλημα, πάντοτε τὸ ἴδιον ποιεῖ· ἐξότου γὰρ ἴδιον οὐκ ἔχει, εἴτι δ’ ἂν καὶ γένηται, ἀναπαύει αὐτόν, καὶ εὑρίσκεται πάντοτε τὸ ἴδιον ποιῶν. Οὐ γὰρ θέλει τὰ πράγματα γίνεσθαι ὡς θέλει, ἀλλὰ θέλει ὡς γίνεται.
13. Πάλιν εἶπεν· Οὐ δεῖ τινα ἐν αὐτῷ τῷ καιρῷ ἐν ᾧ ἁμαρτάνει ὁ ἀδελφός, κατ’ αὐτοῦ διορθώσασθαι αὐτόν, ἀλλ’ οὐδὲ ἐν ἄλλῳ καιρῷ χάριν τῆς ἰδίας ἐκδικήσεως. 14. Ἔλεγε πάλιν ὅτι ἡ κατὰ Θεὸν ἀγάπη δυνατωτέρα ἐστὶ καὶ τῆς φυσικῆς ἀγάπης.
15. Ἔλεγε πάλιν· Μηδὲ ἐν γελοίῳ τὸ κακόν. Συμβαίνει γὰρ ὅτι ἐξ ἀρχῆς μὲν ποιεῖ τις τὸ κακὸν μετὰ γέλωτος, ὕστερον δὲ καὶ μὴ θέλων πήγνυται εἰς αὐτό. 16. Ἔλεγε πάλιν ὅτι οὐ δεῖ θελῆσαί τινα ἀπαλλαγῆναι πάθους, ὡς θέλοντα φυγεῖν τὴν θλίψιν αὐτοῦ, ἀλλὰ ἀκριβῶς μισοῦντα αὐτό, ὡς λέγει· Τέλειον μῖσος ἐμίσουν αὐτούς.
17. Ἔλεγε πάλιν ὅτι ἀδύνατόν ἐστιν ὀργισθῆναί τινα κατὰ τοῦ πλησίον, εἰ μὴ πρῶτον ἐπαρθῇ ἡ καρδία αὐτοῦ κατ’ αὐτοῦ καὶ ἐξουδενώσῃ αὐτὸν καὶ ἔχῃ ἑαυτὸν ὑπερέχοντα αὐτοῦ. 18. Ἔλεγε πάλιν· Σημεῖόν ἐστιν ὅτι ἑκουσίως τις ἐνεργεῖ πάθος, ὅτε ἐλεγχόμενος ἢ διορθούμενος ὑπὲρ αὐτοῦ ταράσσεται. Τὸ δὲ ἀταράχως βαστάζειν τὸν περὶ αὐτοῦ ἔλεγχον ἤγουν διόρθωσιν, σημεῖόν ἐστιν ὅτι ἡττώμενός ἐστι ἢ ἀγνοῶν ἐνήργησεν αὐτό.
Œuvre
Texte
Ouvre le passage lié dans une nouvelle fenêtre.