Ἔργον
Ἐπιφάνιος Σαλαμῖνος Κύπρου – Περὶ μέτρων καὶ σταθμῶν
Μέτρα χωρητικότητας ξηρών και υγρών
Καταγραφή και επεξήγηση διαφόρων μέτρων χωρητικότητας για σιτηρά, έλαιο και οίνο, καθώς και των αντίστοιχων σκευών.
Une plateforme pour lire, rechercher et explorer les textes patristiques et bibliques
Choisissez un auteur, une œuvre ou un livre de l’Écriture et étudiez la source grecque originale avec traduction, notes et signets.
Utiliser le Lecteur
Recherche rapide Recherchez directement un auteur, une œuvre ou un livre de l’Écriture.
Sélection détaillée Choisissez une source, puis un auteur, une œuvre, un chapitre ou un passage biblique.
Outils d’étude Pendant la lecture, vous pouvez utiliser les traductions, les signets, les notes et vos paramètres d’apparence personnels.
Ἔργον
Μέτρα χωρητικότητας ξηρών και υγρών
Καταγραφή και επεξήγηση διαφόρων μέτρων χωρητικότητας για σιτηρά, έλαιο και οίνο, καθώς και των αντίστοιχων σκευών.
Τοῦ ἁγίου Ἐπιφανίου περὶ μέτρων καὶ σταθμῶν. Κόρος σίτου μόδια τριάκοντα, ὃ λέγεται χώρ· χὼρ λέγεται ἀπὸ τῆς τῶν βουνῶν ὑποθέσεως· χωρίαι γὰρ καλοῦνται οἱ βουνοί. Μέδιμνον μόδια πέντε, ὡς εἶναι μόδια τέσσαρα μέτρων ξεστῶν εἴκοσι καὶ δύο. Φακὲλ κριθῆς μόδιοι δέκα πέντε, ὃ καλεῖται ἔπαρμα. Κάδος ἐλαίου ξεστῶν πεντήκοντα. ἔστι δὲ τοῦτο τοῦ ἐλαιοτρίπτου ἐργασίας. Βάτον ἐστὶ μόδια κουμουλᾶτα ὡς εἶναι μόδιον ἕν. δι᾽ ὑγρῶν δὲ ξεστῶν πεντήκοντα. Ἀρτάβη ἐστὶ ξεστῶν ἑβδομήκοντα δύο. Μέτρον τέλειον. Τρία μέτρα σεμιδάλεος. ἕκαστον μέτρον γόμορον εἶχε. τὸ δὲ γόμορον δέκατόν ἐστι τοῦ μεγάλου μέτρου τῆς ἀρτάβης, τοῦτ᾽ ἐστὶ ξεστῶν ἑπτὰ καὶ πέμπτον. Τρία κανᾶ χονδρίτου ἢ χόνδρου. τὰ κανᾶ κανισκέλια καλεῖ. χονδρίτου δὲ ἐστὶν εἶδος σίτου εἰς δύο τεμνόμενον.
Νέβελ οἴνου μέτρον ξεστῶν ἑκατὸν πεντήκοντα. Κοτύλη ἥμισυ ξέστου ὑπάρχει. κἀκεῖθεν οἱ πωλοῦντες οἶνον ἢ ἔλαιον κοτυλισταὶ λέγονται ἤγουν κέκληνται. Τρυβλίον τὴν μὲν πλάσιν ἐστὶν ὀξυβαφὶν ἢ ὀξύβαφον εἴτουν παροψίς. χωρεῖ δὲ ξέστου τὸ ἥμισυ. Ἀπόρρυμα τὸ ἥμισυ τοῦ σαϊτοῦ ἔχει. τὸ δὲ σαϊτὸν εἴκοσι καὶ δύο ξεστῶν ἐστίν. ἔστι δὲ ἐν τύλῳ κεραμίῳ.
Σαφιθά ἐστι μέτρον ξεστῶν εἴκοσι καὶ δύο παρὰ τισί. καὶ παρ᾽ ἄλλοις δέκα καὶ ὀκτώ· τὸ δὲ ἅγιον ἐννέα. Καμψάκης ὕδατος ξεστῶν τεσσάρων. Χοῦς ἐστὶ χουζᾶ, τὸ μὲν μέγα ξεστῶν εἴκοσι καὶ ὀκτώ, τὸ δὲ ἅγιον ξεστῶν ἕξ. Ἀλάβαστρον μύρου. ἀλάβαστρον βισσίν ἐστι στρογγυλοειδές, χωροῦν λίτραν μίαν ἤγουν μίναν.
Œuvre
Texte
Ouvre le passage lié dans une nouvelle fenêtre.