Ἔργον
Νικόλαος Καβάσιλας – Ἔπη ἡρωϊκά
Ποιητική απόδοση των ευαγγελικών εντολών
Έμμετρη διατύπωση των προτροπών του Χριστού για την καλλιέργεια της ανεξικακίας και της πραότητας.
Une plateforme pour lire, rechercher et explorer les textes patristiques et bibliques
Choisissez un auteur, une œuvre ou un livre de l’Écriture et étudiez la source grecque originale avec traduction, notes et signets.
Utiliser le Lecteur
Recherche rapide Recherchez directement un auteur, une œuvre ou un livre de l’Écriture.
Sélection détaillée Choisissez une source, puis un auteur, une œuvre, un chapitre ou un passage biblique.
Outils d’étude Pendant la lecture, vous pouvez utiliser les traductions, les signets, les notes et vos paramètres d’apparence personnels.
Ἔργον
Ποιητική απόδοση των ευαγγελικών εντολών
Έμμετρη διατύπωση των προτροπών του Χριστού για την καλλιέργεια της ανεξικακίας και της πραότητας.
εἰς τὰς θείας τοῦ Σωτῆρος ἐντολάς. Ταῦτα Θεὸς κέλεεν χθονίοισιν ὄφρα φαάνθη· ‘οὐ κραδίην κοτέουσαν ἐνὶ στήθεσι κινήσει οὐ κεδνοῖς ἑτάροις οὐ δυσμενέεσσι κακοῖσιν, ὅς με αἰδεῖται καὶ ὃς ἑταῖρος φίλτατος ἔσται. κἤν τις ἀτασθαλίης φίλος ἀντιβίην χέρα τείνας δεξιτερὴν παρὰ κόρρην αἰσχύνει[εν] ἀνθερεῶνα, μή σε χόλος καθέλῃ ὁ κακῶν πάντων ἐπιίστωρ μηδὲ κακοῖσιν ἀμείβεο ὕβρια τεὴν ἀλεείνων, ἀλλ’ ἐπικλώσας μείλιχος αὐχένι κυκλάδα κόρσην λαιὰν σὴν ἑτέραν προβάλ[λ]ου λοίοντι παρειήν. αὐτὰρ ὃ γούνασι σοῖσιν ἐλεύθερον οἶμον ἀμείβων εἰς ἄλλην ἐλάει ἀέκοντα βίῃ καὶ ἀνάγκῃ, μή μοι τῷ κοτέσῃς, ὁδὸν ἀργαλέην μὴ ἀποείπῃς, ἀλλά, βιαίῃ φωνῇ κλίνας ἥπιον οὖας, ἢν μίλιον κελέει δύο βαῖνε τλήμονι ταρσῷ. ὃν δ’ ἄρα που μερόπων ἐνὶ φρεσὶ<ν> σῇσι νοήσεις ὅτι μενοινᾷ δή σε δικορραφίῃσιν ἰάπτειν εἰς δίκας ἕλκων ἀτάσθαλον μῆκος ὑφαίνων, ὅτι θέλει μετὰ σοῦ δικάσασθαι, ταῦτα μενοινῶν, ὄφρα, δικορραφίῃσι δικασπόλων οὔατα κλέψας, χερσὶν ἀναιδέεσι φίλον ἐκδύσειε χιτῶνα, τούτῳ χλαῖναν ὄπασσον, ξεῖνε, θελήμονι θυμῷ, ὕστατον εἶτα χιτωνίσκον γυμνώσας ὦμον προσκατάθου πλεονέκτῃ † ἵμερον οἷο περήσας †’
Œuvre
Texte
Ouvre le passage lié dans une nouvelle fenêtre.