Ἔργον
Παχώμιος ὁ Μέγας – Βίος Παχώμιου (σύντομος)
Κοίμηση του αγίου και επίλογος
Η ασθένεια και η τελευτή του αγίου Παχωμίου, η ανάδειξη των πνευματικών του διαδόχων και η καταληκτήρια δέηση.
Une plateforme pour lire, rechercher et explorer les textes patristiques et bibliques
Choisissez un auteur, une œuvre ou un livre de l’Écriture et étudiez la source grecque originale avec traduction, notes et signets.
Utiliser le Lecteur
Recherche rapide Recherchez directement un auteur, une œuvre ou un livre de l’Écriture.
Sélection détaillée Choisissez une source, puis un auteur, une œuvre, un chapitre ou un passage biblique.
Outils d’étude Pendant la lecture, vous pouvez utiliser les traductions, les signets, les notes et vos paramètres d’apparence personnels.
Ἔργον
Κοίμηση του αγίου και επίλογος
Η ασθένεια και η τελευτή του αγίου Παχωμίου, η ανάδειξη των πνευματικών του διαδόχων και η καταληκτήρια δέηση.
Καλεῖ τοίνυν ἡμᾶς ὁ λόγος πρὸς τὴν τελευτὴν μετελθεῖν τοῦ ἁγίου. Μικρόν τι γὰρ νοσήσας ὁ πάμμεγας καὶ γνοὺς ἤδη τὴν ἐνθένδε τούτου μετάστασιν, κοινῇ μετακαλεῖται τοὺς ἀδελφοὺς καὶ τὰ σωτήρια τούτοις ὑποτίθεται δόγματα καὶ περὶ τῶν μελλόντων προλέγει καὶ καλῶς αὐτοὺς ἀσφαλίζεται. Εἶτα σφραγίσας ἑαυτὸν τῷ τύπῳ τοῦ σταυροῦ τῷ παραστάντι ἀγγέλῳ τὴν ψυχὴν παρέδωκε χαίρων. Οἱ γοῦν ἀδελφοὶ τῶν μοναστηρίων συναθροισθέντες καὶ τὰ εἰκότα τελέσαντες θάπτουσιν αὐτὸν φιλοτίμως ἐν αὐτῷ δὴ τῷ ὄρει. Καὶ τὸν Πετρώνιον ἀνάγουσι ποιμενάρχην· ἀλλὰ καὶ τούτου δὴ τὸν βίον μετ’ ὀλίγας ἐκμεμετρηκότος ἡμέρας, τὸν Ὀρσίσιον, ἄνδρα περίφημον τὴν ἀρετήν, τὴν προστασίαν αὐτῶν ἐγχειρίζουσι.
Καὶ ταῦτα μέν, ὦ πανάριστε καὶ ἄνθρωπε τῷ ὄντι θεοῦ, τὰ σὰ κατορθώματά τε καὶ προτερήματα, ἅτινα τῷ βίῳ περιὼν καλῶς καὶ ὡς ἔδει πεποίηκας, ἐκ πολλῶν ὀλίγα συναθροισθέντα. Αὐτὸς δὲ νυνὶ ταῖς οὐρανίαις σκηναῖς ἐμφιλοχωρῶν, μέμνησο τῶν σῶν φοιτητῶν. Ναὶ δὴ καὶ βασιλέως ἡμῶν πρόστηθι τοῦ πιστοῦ καὶ φιλαγίου καὶ πᾶσιν ἐμπρέποντος τοῖς καλοῖς, Μῆκος αὐτῷ ζωῆς ἀπήμονος χαριζόμενος, Ἰλύος παθῶν τὴν συγχώρησιν, Χώρας ἐθνῶν τὴν κατάλυσιν, Ἀΰλων μονῶν τὴν κατοίκησιν, Ἡμέρας φαῦσιν τῆς ἀνεσπέρου, Λειμώνων θείων τὴν τέρψιν, Πάντων ἀγαθῶν τὴν μέθεξιν καὶ βασιλείας οὐρανῶν τὴν ἀπόλαυσιν· ἐν Χριστῷ Ἰησοῦ τῷ κυρίῳ ἡμῶν, ᾧ ἡ δόξα καὶ τὸ κράτος νῦν καὶ ἀεὶ καὶ εἰς τοὺς αἰῶνας τῶν αἰώνων, ἀμήν.
Œuvre
Texte
Ouvre le passage lié dans une nouvelle fenêtre.