Ἔργον
Θεοφύλακτος Βουλγαρίας – Εἰς τοὺς ἁγίους πεντεκαίδεκα μάρτυρας τοὺς ἐν Τιβεριουπόλει
Επίλογος και δοξολογία
Η κατακλείδα του εγκωμιαστικού λόγου, η αναγνώριση της αδυναμίας πλήρους καταγραφής των θαυμάτων και η τελική δοξολογία.
Uma plataforma para ler, buscar e explorar textos patrísticos e bíblicos
Escolha um autor, uma obra ou um livro da Escritura e estude a fonte original em grego com tradução, notas e marcadores.
Como usar o Leitor
Busca rápida Busque diretamente um autor, uma obra ou um livro da Escritura.
Seleção detalhada Escolha uma fonte e, em seguida, um autor, uma obra, um capítulo ou uma passagem bíblica.
Ferramentas de estudo Durante a leitura, você pode usar traduções, marcadores, notas e suas configurações pessoais de aparência.
Ἔργον
Επίλογος και δοξολογία
Η κατακλείδα του εγκωμιαστικού λόγου, η αναγνώριση της αδυναμίας πλήρους καταγραφής των θαυμάτων και η τελική δοξολογία.
Ἐγὼ δὲ ἔοικα ἀνθρώπῳ ἀντλοῦντι τῇ κοτύλῃ τὴν ἄβυσσον καὶ τὰ ἄστρα τοῦ οὐρανοῦ ἀριθμοῦντι καὶ σταγόνας ὑετοῦ καὶ ψάμμον παράλιον καὶ τὴν σκιὰν αὐτοῦ καταδιώκοντι καὶ μὴ καταλαμβανομένῳ, ἀλλ’ εἰς κενὸν καὶ μάτην κοπιῶντι καὶ μηδὲν ὀνουμένῳ, ἀνόνητα μοχθοῦντι καὶ ἀτέλεστα· ἴσον γὰρ τοιούτοις ἐπιχειρεῖν καὶ πειρᾶσθαι τῶν ἁγίων ἐφεξῆς διηγεῖσθαι τὰ θαύματα. Ἀλλ’ ἐγὼ μὲν ἐνταῦθα, πέρας λαβὼν τοῦ λόγου, στήσομαι τὴν διήγησιν. Τὰ δὲ ποταμὸς ὄντως ὄντα ἀένναος καὶ χείμαῤῥος τρυφῶς καὶ πηγὴ ἀνεξάντλητος ῥεῖ τε ἀκαταπαύστως καὶ ῥεύσοιεν, ἀῤῥαβὼν πιστευόμενα καὶ δόγματα τῆς τῶν αἰωνίων ἀγαθῶν ἀπολαύσεως, ἃ ὀφθαλμὸς οὐκ εἶδε καὶ οὖς οὐκ ἤκουσε καὶ ἐπὶ καρδίαν ἀνθρώπου οὐκ ἀνέβη, ἃ ἡτοίμασεν ὁ Θεὸς τοῖς ἀγαπῶσιν αὐτόν· καθὼς ἐν τοῖς Εὐαγγελίοις ὁ Κύριος ἡμῶν καὶ Θεὸς Ἰησοῦς Χριστὸς εἴρηκε· «δεῦτε, οἱ εὐλογημένοι τοῦ Πατρός μου, κληρονομήσατε τὴν ἡτοιμασμένην ὑμῖν βασιλείαν ἀπὸ καταβολῆς κόσμου». Ὧν καὶ εἰσμεθέξουσιν γυμνότερόν τε καὶ τελειότερον, ἐν Χριστῷ Ἰησοῦ, τῷ Κυρίῳ ἡμῶν, ᾧ πρέπει πᾶσα δόξα, τιμὴ καὶ προσκύνησις, σὺν τῷ ἀϊδίῳ ἀνάρχῳ αὐτοῦ Πατρί, καὶ τῷ παναγίῳ καὶ ἀγαθῷ καὶ ζωοποιῷ αὐτοῦ Πνεύματι, νῦν καὶ εἰς τοὺς ἀτελευτήτους ξύμπαντας αἰῶνας τῶν αἰώνων.
Ἀμήν.
Obra
Texto
Abre a passagem relacionada em uma nova janela.