Ἔργον
Κλήμης Ῥώμης – Ἐπιστολὴ Πέτρου πρὸς Ἰάκωβον (Νόθος)
Ο κίνδυνος της ψευδούς διδασκαλίας και η υπεράσπιση του νόμου
Προειδοποίηση για την εσκεμμένη παρερμηνεία των αποστολικών λόγων και την προσπάθεια κατάργησης του νόμου από τους αντιπάλους.
Платформа для чтения, поиска и изучения святоотеческих и библейских текстов
Выберите автора, произведение или книгу Писания и изучайте греческий первоисточник с переводом, заметками и закладками.
Как пользоваться Читальней
Быстрый поиск Ищите напрямую автора, произведение или книгу Писания.
Подробный выбор Выберите источник, затем автора, произведение, главу или библейский отрывок.
Инструменты изучения Во время чтения можно пользоваться переводами, закладками, заметками и личными настройками оформления.
Ἔργον
Ο κίνδυνος της ψευδούς διδασκαλίας και η υπεράσπιση του νόμου
Προειδοποίηση για την εσκεμμένη παρερμηνεία των αποστολικών λόγων και την προσπάθεια κατάργησης του νόμου από τους αντιπάλους.
ἵνα γοῦν τὸ ὅμοιον καὶ παρ᾽ ἡμῖν γένηται, τοῖς ἑβδομήκοντα ἡμῶν ἀδελφοῖς τὰς βίβλους μου τῶν κηρυγμάτων δὸς μετὰ τοῦ ὁμοίου τῆς ἀγωγῆς μυστηρίου, ἵνα καὶ τοὺς βουλομένους τὸ τῆς διδασκαλίας ἀναδέξασθαι μέρος ἐφοδιάζειν ἐφοδιάζωσιν· ἐπεὶ ἐὰν μὴ οὕτως γένηται, εἰς πολλὰς γνώμας ὁ τῆς ἀληθείας ἡμῶν διαιρεθήσεται λόγος. τοῦτο δὲ οὐχ ὡς προφήτης ὢν ἐπίσταμαι, ἀλλ᾽ ἤδη αὐτοῦ τοῦ κακοῦ τὴν ἀρχὴν ὁρῶν. τινὲς γὰρ τῶν ἀπὸ ἐθνῶν τὸ δι᾽ ἐμοῦ νόμιμον ἀπεδοκίμασαν κήρυγμα, τοῦ ἐχθροῦ ἀνθρώπου ἄνομόν τινα καὶ φλυαρώδη προσηκάμενοι διδασκαλίαν. καὶ ταῦτα ἔτι μου περιόντος ἐπεχείρησάν τινες ποικίλαις τισὶν ἑρμηνείαις τοὺς ἐμοὺς λόγους μετασχηματίζειν εἰς τὴν τοῦ νόμου κατάλυσιν, ὡς καὶ ἐμοῦ αὐτοῦ οὕτω μὲν φρονοῦντος, μὴ ἐκ παρρησίας δὲ κηρύσσοντος. ὅπερ ἀπείη. τὸ γὰρ τοιοῦτο ἀντιπράσσειν ἐστὶ τῷ τοῦ θεοῦ νόμῳ τῷ διὰ Μωυσέως ῥηθέντι καὶ ὑπὸ τοῦ κυρίου ἡμῶν μαρτυρηθέντι περὶ τῆς ἀιδίου αὐτοῦ διαμονῆς. ἐπεὶ οὕτως εἶπεν· «Ὁ οὐρανὸς καὶ ἡ γῆ παρελεύσονται, ἰῶτα ἓν ἢ μία κεραία οὐ μὴ παρέλθῃ ἀπὸ τοῦ νόμου». τοῦτο δὲ εἴρηκεν, «ἵνα τὰ πάντα γίνηται». οἱ δὲ οὐκ οἶδα πῶς τὸν ἐμὸν νοῦν ἐπαγγελλόμενοι, οὓς ἤκουσαν ἐξ ἐμοῦ λόγους, ἐμοῦ τοῦ εἰπόντος αὐτοὺς φρονιμώτερον ἐπιχειροῦσιν ἑρμηνεύειν, λέγοντες τοῖς ὑπ᾽ αὐτῶν κατηχουμένοις τοῦτο εἶναι τὸ ἐμὸν φρόνημα, ὃ ἐγὼ οὐδὲ ἐνεθυμήθην.
Произведение
Текст
Открывает связанный отрывок в новом окне.