قاری

کوئی مصنف، تصنیف یا کتابِ مقدس کی کوئی کتاب منتخب کریں اور ترجمے، نوٹس اور بک مارکس کے ساتھ اصل یونانی ماخذ کا مطالعہ کریں۔

براہِ راست کوئی مصنف، تصنیف یا کتابِ مقدس کی کتاب تلاش کریں۔

Ἔργον

Ἰωάννης ὁ Χρυσόστομος – Εἰς τὴν γέννησιν

Ἰωάννης ὁ Χρυσόστομος

Η μορφή του δούλου και το μυστήριο της αειπαρθενίας

Παρουσίαση του μυστηρίου της ενανθρώπησης και θεολογικός στοχασμός επί της θείας κύησης χωρίς φθορά της παρθενίας.

Λεπτομέρειες ἔργου
Συγγραφεύς
Ἰωάννης ὁ Χρυσόστομος

—

Κεφάλαιο 3 από 4

Σήμερον τοίνυν τὸ κατὰ σάρκα γεννᾶται Χριστὸς ἐξ οἰκείας φιλανθρωπίας καταδεξάμενος τὴν τοῦ δούλου μορφὴν καὶ τὴν παλαιὰν ἐκείνην δυσπρέπειαν μεταβαλὼν εἰς εὐπρέπειαν. Πάλιν μαρτυρούμενος ὁ Δαυὶδ ἀληθεύει· «Ὁ κύριος ἐβασίλευσεν, εὐπρέπειαν ἐνεδύσατο.» Αὕτη γάρ ἐστιν ἡ τοῦ δούλου μορφὴ συμμεταποιηθεῖσα τῷ ὁμοιώματι τοῦ ἐνδυσαμένου λόγου, τουτέστιν τὸ φῶς περὶ οὗ πολὺς ὁ λόγος ὁ λέγων· «Ὁ ἀναβαλλόμενος φῶς ὡς ἱμάτιον,» καθὼς αὐτὸς ἐν εὐαγγελίοις φησίν· «Ἐγώ εἰμι τὸ φῶς τοῦ κόσμου.» Καὶ πάντων παραδοξώτερον, ἐκ παρθένου γεννᾶται τὸ φῶς, ὁ πολύς, τὸ μυστήριον τῆς εὐφημίας. Παρθένος δίχα συνουσίας ἐγέννησεν, ἵνα Ἡσαΐας ἀληθεύσῃ· «Ἀγαλλιάσθω ἔρημος καὶ ἀνθείτω ὡς κρίνον,» σύμφωνα τῷ Δαυὶδ προφητεύσας τῷ εἰπόντι· «Ἐδίψησέν σε ἡ ψυχή μου. Ποσαπλῶς σοι ἡ σάρξ μου ἐν γῇ ἐρήμῳ καὶ ἀβάτῳ καὶ ἀνύδρῳ;», ὅσον εἰς ἰκμάδα παιδοποιΐας καὶ ἀβάτοις ἴχνεσιν συμπλακείς. Ἐγέννησεν ἡμῖν τὸ ἀκατάληπτον φῶς· καὶ οὔτε ὁ τόκος τὴν παρθενίαν διέφθειρεν, οὔτε ἡ παρθενία τὸν τόκον ἠμαύρωσεν.