Ἔργον
Μέγας Αθανάσιος – Ἐπιστολὴ πρὸς Ἀμοῦν
Επίλογος: Ποιμαντικές παραινέσεις και καταληκτική δοξολογία
Συμβουλές προς τον Αμμούν για την πνευματική στήριξη του ποιμνίου του μέσω των Γραφών και τελική δοξολογική ευχή.
阅读、检索和研究教父文献与圣经文本的平台
选择作者、著作或圣经书卷,借助译文、笔记和书签研读希腊文原始文献。
使用阅读器
快速查找 直接搜索作者、著作或圣经书卷。
详细选择 先选择来源,再选择作者、著作、章或经文段落。
研读工具 阅读时可使用译文、书签、笔记和个人外观设置。
Ἔργον
Επίλογος: Ποιμαντικές παραινέσεις και καταληκτική δοξολογία
Συμβουλές προς τον Αμμούν για την πνευματική στήριξη του ποιμνίου του μέσω των Γραφών και τελική δοξολογική ευχή.
Ὥστε τὰ ἀκάθαρτα αὐτῶν καὶ πονηρὰ ζητήματα, λύσεις ἰδίας ἔσχε καὶ παρὰ τῶν θείων γραφῶν πάλαι προλυθείσας. Ὑποστήριζε τοίνυν, ὦ πάτερ, τὰς ὑπὸ σαυτὸν ἀγέλας, ἐκ τῶν ἀποστολικῶν παρακαλῶν, ἐκ τῶν εὐαγγελικῶν ψυχαγωγῶν, ἐκ τῶν ψαλμῶν συμβουλεύων· ‘Ζῆσόν με, λέγων, κατὰ τὸ λόγιόν σου’, λόγιον δὲ αὐτοῦ τὸ ἐκ καθαρᾶς καρδίας λατρεύειν αὐτῷ· τοῦτο γὰρ εἰδὼς ὁ αὐτὸς προφήτης, ὥσπερ ἑαυτὸν μεταφράζων, λέγει· ‘Καρδίαν καθαρὰν κτίσον ἐν ἐμοί, ὁ θεός’, ἵνα μὴ ῥυπώδεις λογισμοί με ταράξωσι· πάλιν Δαυίδ· ‘Καὶ πνεύματι ἡγεμονικῷ στήριξόν με’, ἵνα κἄν ποτε λογισμοί με θορυβήσωσιν, ἰσχυρά τις παρὰ σοῦ δύναμις στηρίξῃ με, ὥσπερ κρηπὶς τυγχάνουσα. Αὐτὸς τοίνυν ταῦτα καὶ τὰ τοιαῦτα συμβουλεύων, λέγε πρὸς τοὺς βράδιον τῇ ἀληθείᾳ πειθομένους· ‘Διδάξω ἀνόμους τὰς ὁδούς σου’· καὶ θαρρῶν κυρίῳ ὅτι πείσεις ἀποσχέσθαι τῆς τοιαύτης κακίας, ψάλλε· ‘Καὶ ἀσεβεῖς ἐπὶ σὲ ἐπιστρέψουσι’.
Γένοιτο δὲ τοὺς μὲν κακοήθως ζητοῦντας παύσασθαι τῆς τοιαύτης ματαιοπονίας, τοὺς δὲ δι᾽ εὐήθειαν ἐνδοιαστῶς ἔχοντας, ‘ἡγεμονικῷ πνεύματι’ κρατυνθῆναι. Ὅσοι δὲ βεβαίως τὴν ἀλήθειαν ἐπίστασθε, ἀρραγῆ ταύτην κατέχετε καὶ ἀσάλευτον, ἐν Χριστῷ Ἰησοῦ τῷ κυρίῳ ἡμῶν, μεθ᾽ οὗ τῷ πατρὶ δόξα καὶ κράτος σὺν ἁγίῳ πνεύματι εἰς τοὺς αἰῶνας. Ἀμήν.
著作
文本
在新窗口中打开相关段落。