Ἔργον
Ἰωάννης ὁ Χρυσόστομος – Εἰς τὴν γέννησιν
Πνευματική μίμηση των Μάγων και τελική δοξολογία
Προτροπή για ενάρετο βίο μέσω της πνευματικής ερμηνείας των δώρων των Μάγων και κατακλείδα του λόγου.
阅读、检索和研究教父文献与圣经文本的平台
选择作者、著作或圣经书卷,借助译文、笔记和书签研读希腊文原始文献。
使用阅读器
快速查找 直接搜索作者、著作或圣经书卷。
详细选择 先选择来源,再选择作者、著作、章或经文段落。
研读工具 阅读时可使用译文、书签、笔记和个人外观设置。
Ἔργον
Πνευματική μίμηση των Μάγων και τελική δοξολογία
Προτροπή για ενάρετο βίο μέσω της πνευματικής ερμηνείας των δώρων των Μάγων και κατακλείδα του λόγου.
Διὰ ταῦτα χορεύομεν καὶ σκιρτῶμεν τοῦ λυτρωτοῦ καὶ βασιλέως σήμερον ἐπιλάμψαντος· ἐπὶ πᾶσι τούτοις σήμερον ἑορτάζομεν. Ἀνυμνήσωμεν τοίνυν, ὦ ἀγαπητοί, πάσῃ δυνάμει τὸν εὐεργέτην ἡμῶν, καὶ ἀγαθαῖς ἑαυτοὺς συγκαλλωπίσωμεν πράξεσιν, καὶ δορυφορήσωμεν πάντες κατὰ τοὺς μάγους τῷ βασιλεῖ τῆς δόξης.
Μὴ χείρους βαρβάρων φανῶμεν, οἱ ἐν εὐσεβείᾳ τραφέντες. Προσήγαγον ἐκεῖνοι χρυσὸν ὡς βασιλέα τιμῶντες· προσαγάγωμεν ἡμεῖς ἀντὶ χρυσοῦ πίστιν ἀνόθευτον καὶ δογμάτων ἀλήθειαν. Προσήγαγον ἐκεῖνοι λίβανον διὰ τῆς εὐωδίας, τὸ θεῖον αὐτοῦ τῆς φύσεως αἰνιττόμενοι· προσαγάγωμεν ἡμεῖς ἀντὶ λιβάνου βίον εὐωδιάζοντα εὐάρεστον τῷ θεῷ. Προσήγαγον δὲ καὶ σμύρναν τὸν ὑπὲρ πάντων τοῦ δεσπότου θάνατον σημαίνοντες· προσαγάγωμεν ἡμεῖς νέκρωσιν μελῶν ἀρνούμενοι τὴν ἁμαρτίαν. Ἐκεῖνοι χρηματισθέντες ὑπ’ ἀγγέλου ἑτέραν ὁδὸν ὥδευον τὸν Ἡρῴδην λαθόντες· ἡμεῖς δὲ ὑπὸ τοῦ δεσπότου τῶν ἀγγέλων ὁδηγηθέντες, τῶν ἁμαρτημάτων τὴν ἐπιμειξίαν φυγόντες, τὴν ἐπουράνιον πρὸς θεὸν φέρουσαν ὁδεύσωμεν τρίβον, ἐν Χριστῷ Ἰησοῦ τῷ κυρίῳ ἡμῶν, ᾧ ἡ δόξα καὶ τὸ κράτος σὺν τῷ πατρὶ καὶ τῷ ἁγίῳ πνεύματι, νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν.
著作
文本
在新窗口中打开相关段落。