Ἔργον
Μᾶρκος ὁ Εὐγενικός – Στιχηρά
Ιδιόμελα στους ισαποστόλους Κωνσταντίνο και Ελένη
Ύμνοι προς τιμήν του αγίου Κωνσταντίνου και της μητέρας του Ελένης για την εδραίωση της ορθόδοξης πίστης.
A platform for reading, searching, and exploring patristic and biblical texts
Choose an author, work, or book of Scripture and study the original Greek source with translation, notes, and bookmarks.
Using the Reader
Quick find Search directly for an author, work, or book of Scripture.
Detailed selection Choose a source, then an author, work, chapter, or biblical passage.
Study tools While reading, you can use translations, bookmarks, notes, and your personal appearance settings.
Ἔργον
Ιδιόμελα στους ισαποστόλους Κωνσταντίνο και Ελένη
Ύμνοι προς τιμήν του αγίου Κωνσταντίνου και της μητέρας του Ελένης για την εδραίωση της ορθόδοξης πίστης.
Μαΐου καʹ. Ἰδιόμελα εἰς τοὺς ἁγίους ἰσαποστόλους βασιλεῖς Κωνσταντῖνον καὶ Ἐλένην. Ὁ τὴν οἰκουμένην ἅπασαν ἐπιστρέψας ἐκ τῆς πολυθέου πλάνης εἰς τὴν ἀληθῆ θεογνωσίαν Κωνσταντῖνος ὁ μέγας βασιλεὺς σήμερον θριαμβεύων ἐνδόξως καταλαμβάνει τὰ οὐράνια, νικητὴς τροπαιοῦχος κατὰ δαιμόνων ὀλεθρίων καὶ τυράννων ἀλιτηρίων ὑπὸ τοῦ παμβασιλέως Θεοῦ στεφόμενος, σκῆπτρον νικοποιὸν ἐπιφερόμενος τὸν σταυρόν, οὗ τὸ σύνθημα λαβὼν οὐρανόθεν διὰ τῆς μακαρίας μητρὸς Ἐλένης, ἐκ τῶν τῆς γῆς λαγόνων ὡς θησαυρὸν κεκρυμμένον αὐτὸν ἀνήγαγε· τοῦτον καὶ ἡμεῖς σὺν αὐτῇ εὐφημοῦντες, αἰτούμεθα πρεσβεύειν Χριστῷ τῷ Θεῷ ὑπὲρ εἰρήνης τοῦ κόσμου καὶ σωτηρίας τῶν πιστῶν καὶ τῶν ὀρθοδόξων βασιλέων, τῶν διαδόχων αὐτῶν.
Ἕτερον. Ἦχος πλάγιος τοῦ τετάρτου. Ὁ μακάριος βασιλεὺς Κωνσταντῖνος ὡς ἀληθῶς βασιλεὺς θυμοῦ καὶ φθόνου καὶ ἡδονῆς κρατῶν καὶ πάντα ὑπὸ τοὺς νόμους ἄγων τοῦ Θεοῦ καὶ τὸν νοῦν ἐλεύθερον τηρῶν καὶ οὐκ ἐῶν ἐνδυναστεῦσαι τῇ ψυχῇ τὴν δεσποτείαν τῶν ἡδονῶν· τὸν τοιοῦτον ὁ βασιλεὺς τῶν οὐρανῶν καὶ παντάναξ Θεὸς γῆς καὶ θαλάσσης ἄρχοντα κατέστησε καὶ τὴν ὀρθόδοξον πίστιν δι’ αὐτοῦ στερρῶς ἐκράτυνε, καὶ νῦν συμβασιλεύειν αὐτῷ προσλαβόμενος, δέχεται πρέσβιν σὺν τῇ μακαρίᾳ μητρὶ Ἐλένη ὑπὲρ εἰρήνης τοῦ κόσμου καὶ σωτηρίας τῶν ψυχῶν ἡμῶν.
Work
Text
Opens the related passage in a new window.