Ἔργον
Νικόλαος Μεθώνης – Βίος τοῦ ὁσίου Μελετίου τοῦ νέου
Προοίμιο
Εισαγωγή του Νικολάου Μεθώνης στους λόγους συγγραφής του βίου του οσίου Μελετίου και επίκληση της θείας χάριτος.
A platform for reading, searching, and exploring patristic and biblical texts
Choose an author, work, or book of Scripture and study the original Greek source with translation, notes, and bookmarks.
Using the Reader
Quick find Search directly for an author, work, or book of Scripture.
Detailed selection Choose a source, then an author, work, chapter, or biblical passage.
Study tools While reading, you can use translations, bookmarks, notes, and your personal appearance settings.
Ἔργον
Προοίμιο
Εισαγωγή του Νικολάου Μεθώνης στους λόγους συγγραφής του βίου του οσίου Μελετίου και επίκληση της θείας χάριτος.
Βίος τοῦ ὁσίου πατρὸς ἡμῶν Μελετίου τοῦ ἐν τῷ ὄρει τῆς Μυουπόλεως ἀσκήσαντος, συγγραφεὶς παρὰ Νικολάου ἐπισκόπου Μεθώνης. Καὶ τοῦτο σόν, ὦ θεῖε ἄνθρωπε, καὶ τῆς σῆς μεγαλοφυΐας τὸ πλεονέκτημα τὸ τοὺς βίους τῶν ἐναρέτων φιλοκρινεῖν καὶ τοὺς μάλιστα διαλάμποντας πᾶσιν σπεύδειν διαδήλους ποιεῖν, εἰς κοινὸν ὄφελος. καὶ μηδὲ χρόνῳ παραχωρεῖν, τῷ τῆς λήθης πατρί, κρύπτειν τῇ παλαιώσει τὰ κάλλιστα καὶ μνήμης ὡς εἰπεῖν καὶ ἀναδείξεως ἄξια. ὅθεν καὶ τὸν ἄρτι τὴν καθ’ ἡμᾶς περιαστράψαντα γενεὰν καὶ πολλὰ τοῖς τὴν ἀσκητικὴν ἐπανῃρημένοις διαγωγὴν καταλιπόντα τῆς ἀρετῆς ἐμπυρεύματα Μελετίου βίον τοῦ μακαρίου αὐτός τε φιλοπόνως, ὡς ἐνῆν, ἐξιχνίασας, καὶ πᾶσι φιλανθρώπως φανερῶσαι ἐσπούδασας, ἡμῖν ἐπιτρέψας ἀνάγραπτον θέσθαι τὴν τῶν κατ’ αὐτὸν ἐξητασμένων τε καὶ ἠκριβωμένων καὶ πολλαχόθεν πεπληροφορημένων διήγησιν, ἵνα καὶ ταῖς ἔπειτα γενεαῖς γνωστά τε καὶ ζηλωτὰ διασώζηται. ἐγὼ τοίνυν κἀν τούτῳ σοι τηρῶν τὸ εὐήκοον καὶ ἅμα ὡς θεῖόν τι καὶ θεάρεστον δεξάμενος τὸ ἐπίταγμα, ἕτοιμος ἥκω τοῦτο πληρώσων, τῇ σῇ μᾶλλον πίστει θαρρήσας καὶ ταῖς τοῦ ἁγίου εὐχαῖς, καὶ οὕτω τὸν τοῖς ἁγίοις ἐνδοξαζόμενον Θεὸν ἐπικαλεσάμενος, τοῦ εὐοδῶσαί μοι τὸν λόγον καὶ περατῶσαι τὴν πρόθεσιν.
Work
Text
Opens the related passage in a new window.