Ἔργον
Θεόδωρος ὁ Στουδίτης – Εἰς τὴν κοίμησιν τῆς ὑπεραγίας δεσποίνης ἡμῶν θεοτόκου
Τελική ικεσία και δοξολογία
Καταληκτικός έπαινος, δεήσεις υπέρ της Εκκλησίας και της οικουμένης, και επισφράγιση του λόγου με δοξολογία.
A platform for reading, searching, and exploring patristic and biblical texts
Choose an author, work, or book of Scripture and study the original Greek source with translation, notes, and bookmarks.
Using the Reader
Quick find Search directly for an author, work, or book of Scripture.
Detailed selection Choose a source, then an author, work, chapter, or biblical passage.
Study tools While reading, you can use translations, bookmarks, notes, and your personal appearance settings.
Ἔργον
Τελική ικεσία και δοξολογία
Καταληκτικός έπαινος, δεήσεις υπέρ της Εκκλησίας και της οικουμένης, και επισφράγιση του λόγου με δοξολογία.
ϛʹ. Ἀλλ’ ὢ τῆς ἐπιφανοῦς σου καὶ λαμπρᾶς (δι’ ἡδονῆς γὰρ ἔχω λέγειν) πανηγύρεως! Ὢ τῆς σημειοφόρου καὶ θαυματοποιοῦ μεταστάσεώς σου! Ὢ τῆς ζωοπαρόχου καὶ ἀειφθαρτοδωρήτου ἐνταφιάσεώς σου τῆς φωτοκυήτορος! Ἀλλὰ τὰς νεφέλας διασχοῦσα καὶ εἰς οὐρανὸν ἀνιοῦσα καὶ εἰς τὰ Ἅγια τῶν ἁγίων εἰσιοῦσα, ἐν φωνῇ ἀγαλλιάσεώς τε καὶ ἐξομολογήσεως κατευλογῆσαι ἀξίωσον, Θεοτόκε, τὰ τῆς οἰκουμένης πέρατα· πρεσβείαις σου τοὺς ἀέρας εὐκρατοῦσα, τοὺς ὄμβρους εὐκαίρως δωρουμένη, τοὺς ἀνέμους εὐθετοῦσα, τὴν γῆν εὐκαρποῦσα, τὴν Ἐκκλησίαν εἰρηνεύουσα, τὴν Ὀρθοδοξίαν κρατύνουσα, τὴν βασιλείαν φυλάττουσα, τὰ βάρβαρα ἔθνη ἀποσοβοῦσα, ἅπαν τὸ Χριστιανῶν φῦλον περιέπουσα, εἶτα καὶ τῆς ἐμῆς τολμηρίας συγγινώσκουσα. Σοῦ γάρ ἐστι τὸ λόγιον, καὶ σύ, ὦ Μήτηρ Θεοῦ, τὸ ἐσόμενον προφητικῶς ἐμελῴδησας· «Ἰδοὺ γάρ», φησίν, «ἀπὸ τοῦ νῦν μακαριοῦσί με πᾶσαι αἱ γενεαί». Ἐπεὶ οὖν οὐχ οἷόν τε διαπίπτειν σου τὸν θεόφραστον λόγον, δέξαιο κἀμοῦ τοῦ ἀναξίου σου οἰκέτου τὴν κατὰ δύναμιν πρόσρησιν· καὶ «Ἀπόδος τὴν ἀγαλλίασιν τοῦ σωτηρίου σου»· σθένει τε τῶν πρεσβειῶν σου στήριξόν με, σὺν τῷ διαφέροντί μοι πατρὶ καὶ τῇ ἀνατεθειμένῃ ποίμνῃ, ἐν Χριστῷ Ἰησοῦ τῷ Κυρίῳ ἡμῶν, ᾧ ἡ δόξα καὶ ἡ τιμὴ καὶ τὸ κράτος, σὺν τῷ παντοκράτορι Πατρὶ καὶ τῷ ζωοποιῷ Πνεύματι, νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν.
Work
Text
Opens the related passage in a new window.