Ἔργον
Μᾶρκος ὁ Εὐγενικός – Στιχηρά
Ιδιόμελα στον απόστολο Ανδρέα
Υμνολογικά κείμενα αφιερωμένα στο ιεραποστολικό και σωτηριώδες έργο του αποστόλου Ανδρέα.
阅读、检索和研究教父文献与圣经文本的平台
选择作者、著作或圣经书卷,借助译文、笔记和书签研读希腊文原始文献。
使用阅读器
快速查找 直接搜索作者、著作或圣经书卷。
详细选择 先选择来源,再选择作者、著作、章或经文段落。
研读工具 阅读时可使用译文、书签、笔记和个人外观设置。
Ἔργον
Ιδιόμελα στον απόστολο Ανδρέα
Υμνολογικά κείμενα αφιερωμένα στο ιεραποστολικό και σωτηριώδες έργο του αποστόλου Ανδρέα.
ΙΔΙΟΜΕΛΑ Ἰδιόμελα εἰς τὸν ἅγιον Ἀνδρέαν. Νοεμβρίου λʹ. Ἦχος αʹ Ὁ πρωτόκλητος μαθητὴς καὶ μιμητὴς τοῦ πάθους καὶ σύμμορφός σου, Κύριε, Ἀνδρέας ὁ ἀπόστολος τοὺς ἐν βυθῷ τῆς ἀγνοίας πλανωμένους ποτὲ τῷ ἀγκίστρῳ τοῦ σταυροῦ σου ἀνελκύσας, προσήγαγέ σοι, διὸ καὶ σωθέντες οἱ πιστοὶ βοῶμεν σοι· «ταῖς πρεσβείαις αὐτοῦ, ὑπεράγαθε, τὴν ζωὴν ἡμῶν εἰρήνευσον καὶ σῶσον τὰς ψυχὰς ἡμῶν».
Τὸ πῦρ τὸ νοερόν, τὸ φωτίζον διανοίας καὶ φλογίζον ἁμαρτίας, ἔνδον λαβὼν ἐν καρδίᾳ ὁ ἀπόστολος Χριστοῦ καὶ μαθητής, λάμπει μὲν ταῖς μυστικαῖς ἀκτίσι τῶν διδαχῶν ἐν ταῖς τῶν ἐθνῶν ἀφωτίστοις καρδίαις, φλέγει δὲ πάλιν τὰς φρυγανώδεις τῶν ἀσεβῶν μυθουργίας· τὸ πῦρ γὰρ τοῦ πνεύματος τοιαύτην ἔχει τὴν ἐνέργειαν· ὦ θαῦμα ξένον καὶ φοβερόν, ἡ πηλώδης γλῶσσα, ἡ γηΐνη φύσις, τὸ σῶμα τὸ χοϊκόν, τὴν νοερὰν καὶ ἄϋλον ὑπεδέξατο γνῶσιν· ἀλλ’ ὦ μύστα τῶν ἀρρήτων καὶ θεωρὲ τῶν οὐρανίων, ἱκέτευε καταυγασθῆναι τὰς ψυχὰς ἡμῶν.
Ὑμνήσωμεν οἱ πιστοὶ Πέτρου τὸν σύγγονον Ἀνδρέαν, τὸν Χριστοῦ μαθητήν· οὗτος γὰρ τὴν θάλασσαν δικτύοις ἐρευνήσας ποτέ, ἰχθύας ἐζώγρει, νῦν δὲ τὴν οἰκουμένην τῷ καλάμῳ σαγηνεύει τοῦ σταυροῦ καὶ τὰ ἔθνη ἐκ πλάνης ἐπιστρέφει πρὸς μετάνοιαν καὶ Χριστῷ παριστάμενος αἰτεῖται τὴν εἰρήνην ταῖς ψυχαῖς ἡμῶν καὶ τὸ μέγα ἔλεος.
Τὸν συναίμονα Πέτρου καὶ Χριστοῦ μαθητήν, τὸν ἰχθύων ἀγρευτὴν καὶ ἁλιέα τῶν ἀνθρώπων ἐν ὕμνοις τιμήσωμεν, Ἀνδρέαν τὸν ἀπόστολον· τοῦ γὰρ Ἰησοῦ τὰ διδάγματα πάντας ἐξεπαίδευσε τοῖς δόγμασι καὶ ὡς δέλεαρ ἰχθύων τὰς σάρκας τοῖς ἀνόμοις παρέδωκε καὶ τούτους ἐσαγήνευσεν· αὐτοῦ ταῖς ἱκεσίαις, Χριστέ, παράσχου τῷ λαῷ σου εἰρήνην καὶ τὸ μέγα ἔλεος.
Ἦχος δʹ Τὴν τῶν ἰχθύων ἄγραν καταλιπών, ἀπόστολε, ἀνθρώπους σαγηνεύεις καλάμῳ τοῦ κηρύγματος, χαλῶν ὥσπερ ἄγκιστρον τῆς εὐσεβείας τὸ δέλεαρ καὶ ἀνάγων ἐκ τοῦ βυθοῦ τῆς πλάνης τὰ ἔθνη ἅπαντα, Ἀνδρέα ἀπόστολε, τοῦ κορυφαίου ὁμαίμων καὶ τῆς οἰκουμένης ὑφηγητὰ διαπρύσιε· πρεσβεύων μὴ ἐλλίπης ὑπὲρ ἡμῶν, τῶν ἐν πίστει καὶ πόθῳ εὐφημούντων, πανεύφημε, τὴν ἀεισέβαστον μνήμην σου.
Ἦχος πλάγιος δʹ. Τὸν κήρυκα τῆς πίστεως καὶ ὑπηρέτην τοῦ λόγου Ἀνδρέαν εὐφημήσωμεν· οὗτος γὰρ τοὺς ἀνθρώπους ἐκ τοῦ βυθοῦ ἁλιεύει, ἀντὶ καλάμου τὸν σταυρὸν ἐν ταῖς χερσὶ διακρατῶν, καὶ ὡς σπαρτίον χαλῶν τὴν δύναμιν τοῦ Χριστοῦ, ἐπανάγει τὰς ψυχὰς ἀπὸ τῆς πλάνης τοῦ ἐχθροῦ καὶ προσκομίζει τῷ Θεῷ δῶρον εὐπρόσδεκτον.
Ἀεὶ τοῦτον, πιστοί, σὺν τῇ χορείᾳ τῶν μαθητῶν τοῦ Χριστοῦ εὐφημήσωμεν, ἵνα πρεσβεύῃ αὐτῷ, ὅπως ἵλεως γένηται ἡμῖν ἐν τῇ ἡμέρᾳ τῆς κρίσεως.
著作
文本
在新窗口中打开相关段落。